Tääl lii eellim moonnâm nuuvt, ete algim iävtukkâssin Sämitiggevaaljáid taam čoovčâ. Jiemge viišâ rähtiđ uđđâ blogi, nuuvt ete täst ovdâskulij uážuvetteđ luuhâđ lifestyle-čallui lasseen meiddei politiik pirrâ já tiävstuv čuávvuđ muu ”kampanja”. Vistig: muu iävtukkâsnummeer lii 32. Mušteđ tom 😉 Yle Säämi ráhtá iävtukkâsâin vaaljâgalleria, já onne lijjii muu kuvvimeh. Videoh almostittuvvojeh puáttee máánu peln…
Kategoria: Sämikielân
Varriistâllâm: Uđđâ čujottâs, uđđâ nomma
Lam onne kiävttám maaŋgâ tijme blogi varriimân oppeet uđđâ sajan, váhá älkkeeb čujottâssân . Lâi nuuvt hirmooš pargo ete lopedâm (olssân) ete jiem kal poorgâ tom tääl kuhes ááigán. Ađai mutteđ kirjemeerhâidâd, neetainari.wordpress.com lii tääl tuš neetainari.com. Varriistâllâm lii lamaš uáli tergâdis uássi anarâšâi elimist tovle, já eđâččim ete kal tot lii ain. Munjin lii…
Syeinimáánu: Kuátiorroo já Finish Five
Jiem lah Riddu Riđđust taamgin ive. Tääl kal jiem ličij vaijamgin, ko kesimáánu lâi tievâ pargo já paijelittáá páásám kuátiorron tipšođ puáris äijihân oovtâ mánuppajan. Algâive já loppâkiiđâ maŋa lam muđoi-uv aaibâs loopân puállám teikkâ masa jo kunnâlum, ete pyereeb orostiđ váhá. Ko kerdi jiem lah monâmin kuussân eres ko Pärttihân teikkâ Avelân, lâi must…
Pyereestvaijeem: Čääci já šadoh, vâi…?
Puohah tom kal tiettih: čääsi kalga juuhâđ suullân 2-3 litter peeivist. Ferttiim tubdâstiđ, ete jiem tuođâigin ain juuvâ tuárvi, eromâsávt ko kaačâm kuittâg uáli távjá. Vuámmášim-uv talle kiđđuv, ete ko oroi jyehi keerdi váhá vaigâd moonnâđ lekkâđ čäcihana jiemge lijkkuu ollágin plastikputtâláid, te lâi jiermi uástiđ lasâkáánu, tevdiđ tom čaasijn já siäiluttiđ kolmâskääpist. Já talle!…
Kesimáánu: Argâ já fiäráneh, motomin kuohtuuh siämmást
Horgâ lii kesimáánu jo lappâd. Must láá taam mánuppaje (lamaš) kuárrumpargoh já toi maŋa kuárum ja tuáijum jieččân ääigi. Pargo lasseen láá lamaš suotâseh-uv: uábbi lii tääbbin, eellim uárbimpeeli heejâin já su nieiddáá kaastâst (já korrum toho uđđâ mááccuh muádinubelov tiijmest), jonsâheh lijjii… jonsâheh. Kesimáánu lii lamaš pyeri ulmui já hyenes naharij máánu. Onne lam-uv…
Pyeremus puljârtabletteh
Pirkka maŋgâvitamintabletteh — 2,5 / 5 Juávhu hälbimus. Njaddo lii eivi ok, mut tabletteh sudeh hitásávt já kyeđđih koopâ poonán uáli motekeerdi. Friggs maŋgâvitamintabletteh — 3 / 5 Sudeh váhá jotelabbooht ko Piirka tabletteh iäge lah siämmáá turdáá. VitaPlex maŋgâvitamintabletteh — 4 / 5. Njaalgâ, jotelávt suddee tabletteh.
Mááccuhpeivi, ilo peivi!
Onne cuáŋuimáánu lovváád peeivi lii oppeet #mááccuhpeivi mon algâttij tijmá Taažâpel säminuorâi servi Noereh. Hirmâd suotâs juurdâ, ete lii val tággáárgin peivi ete čiŋâdep muđoi peri, ijge taarbâš leđe mihheen eromâš juuhlijd. Mááccuhhân lii lamâš mii ááhui já äijihij (teikkâ jieččân vanhimij) argâpiivtâs já argâpiäiválii kiävtusthân tot kolgâččij leđe váhá eenâb. Onne kárvudittim ovdil vuolgim tavaskulij (čáálám…
Uccâ kiđđâkavppâšemmokke
Kavnimbâ olssân mučis ovdâlijne! Tääl tohhee veik liäibuškyettiđ 🙂 Siämmáš tekstiilperrust ostim meid ”kievkkânsiholduv” mut ko muu mielâst tot kal lii lijkás muččâd siholdâhhin, te kiävtám tom veik pevdilijnen.
Positiivlâšvuođâ pessijááh
Ožžum oho tassááš siäsástân oovtâ taggáár Facebookist jorree positiivlâšvuotâháástu. Tondiet kolgim jyehi peeivi listeđ kulmâ ääši moh láá lamaš peeivist pyereh teikkâ muđoi láá pyeredâm muu mielâ. Já kal toh kávnojeh, tiävstuv. Hyelhih, peerâ, usteveh, mučis kiđđâšiäráduvah, já nuuvt ain. Mut stuárrámus iäru jyehipiäiválii pyeri mielân taan háástust lâi, ete aašijd álgá anneeđ stuárráb áárvust…
Tääl čuájá: Ailu Valle ”čiččâmâš”
Tágárâš kávnui onne Gieku-viste peevdi alne, takkâ Ailu! Tom verd ko lam ostâm kuldâliđ te kal oro 7 lemin hirmâd pyeri, mahtnii njyevžilub já rávvásub ko Dušši dušše duššat, tegu puáhtá jo vaarâ vyerdiđge. Ferttiim val moddii kuldâliđ taam vâi tiäđám pyerebeht maid tast jurdâččâm, mut pyeri kuittâg lii. Tääsi allaan, tääl láá stuárráb vuorduuh meiddei…