Onne lii vuossâmuš pyhámestpeivi äijih jäämmim maŋa; viiđâd maŋa ko ákku vuolgij. Jiem lah vala kiergânâm cokkiittiđ kinttâlijd, jiemge lah vala rávhudâm tâi mudoi pasottâm peeivi. Roovvâdmáánu lâi tievâ čuákkimijd, eres pargoid já meripeeivijd moiguin lâi pággu kiergâniđ. Meridim-uv talle kyehti, kuulmâ oho tassaaš ete jiem ubâ smietâgin päikkipargoid (maid jiem kal mudoigin smietâ) ovdil…
Kategoria: Sämikielân
Pakkâ keesi virkosmittempuddâ
Keesi lii lamâš aaibâs epitáválávt paahâs ige tuše šooŋâi tet. Čaallim vuosmuš sämikielâlâš politik kieđâvuššee blogičalluu oovdebpeeivi Varriistâllâm-blogisân, já tastmaŋa ko lam masa kiergânâm ciälkkámušâi valmâštâlmist, mun jiem maiden vyerdi ko tom ete taam čaitâlm finniiččijm loopâ räi nuuvt ete mii vuoigâdvuotâtile ij aainâskin hiäjuničij čuuvtij. Mut ton fáádást ij tađe eenâb. Tääl ko pakkâseh…
Muádi sääni sämitiggelaavâst
Tääl lii vuod äigi, ko sämmilâš kárttá juristin, almugijkoskâsâš rievti äššitobden sehe mon val eres ääši äššitobden, vâi pastaččij väldiđ pele toohâmnáál lahâuđâsmitmân main miäruštâlloo, kii finnee piäsu sämmilij jiešmeridemorgaanân. Moonnâm haldâttâs ij luhostum uđâsmittiđ sämitiggelaavâ, já ohtân suijân puáhtá anneeđ kuhesáigásâš já ollâ tääsi viäskáristem, main läddliih nuuvt kieldâ- ko ovdâskodetääsist-uv viggii estiđ puoh…
Uđđâ ive puáris saavah
Äigi kiergânij kuullâđ jo muádi mánuppaje majemuu čallust, jiemge kale juksâm muu ulme bloggiđ aainâs-uv ohtii máánust. Naa, irâttâm uđđâsist. Taan ivveest šadda mielâkiddiivâš, ko Kielâkäldee-proojekt nohá já tađemield must táálááš pargo. Kolgâččim ucâluđ jo uđđâ pargoi kulij, ucánjihhii. Koloh iä kiäppán taađeest puáđuigijn… Ađai ton tááhust saavah iä piso aaibâs siämmán ko oovdeb iivij….
Puolâšpeeivij lišketipšom: Oljo- tâi vuojâputestem
Tegu jo ovdil čaallim, muu suunnâttâsah čäälliđ lišketipšomist nubâstuvvii jotelávt ko muu liške kuškâškuođij, já čalmepirrâseh reagistškuottii muu táválii meeikiputestemamnâsân, Bioderma Sensibio miiseelčáácán. Jeđe algii-uv puolâštiđ. Ton lasseen ete valdim anon eenâb já pehtilub lavtâsmittem- já syeijimamnâsijd ubâlâs lišketipšomsân, riemmim tiäđust-uv meiddei interneetin luuhâđ lase eres meeikiputestemmuulsâiävtuin. Jiem halijdâm aaibâs joskâđ meikkiimist, ko maailm lii…
Smaavâ sivnádâs!
Autost lâi tuš ohtâ ABS-andur cuovkkânâm, já veik moottor- já tivottâhčuovah pyelih ain, ij tobbeen kavnum mihheen vááduid. Huh ko lam hiälpáskâm! Andur tivottuvvoo te puáttee máánust já talle tot kolgâččij čođâldittiđ kejâttem 🙂 Jeđe selgânim viijmâg káávpán uástiđ kállulaampu. Tääl čuávgá! Skammâ juávdá forgâ já tääl jo lii pikkâsevŋâd viiđâ ääigi ehidist, mutâ olgopargoh…
Eehidjurduuh tutkâmsajattuvâst
Mun lam tääbbin tutkâmsajattuvâst asâdijnân karttâm meid totken, já mun lam-uv tutkâm jieččân já tom maht lam-uv teehi juovdâm. Mun lam eellimstân karttâm jotteeđ tuohu teehi tegu maaŋgah iäráseh-uv. Tääl ko láá vuod moonnâm maaŋgâ ive nuuvt, ete lam varriistâllâm muádi mánuppaje kooskâi, oro aaibâs mielâttes hitruu ko piäsá viijmâg váhá rávhuduđ já rähtiđ monnii…
Čohčâ já čuáskim Válburnjaargâst
Mudusjäävri tutkâmsajattuv argâ jorá uáli ennuv iveaaigij mield. Tääl ko čohčâpeeivijorgálduv maŋa lii oppeet siävŋánškuáttám skaamâ kulij já šooŋah láá lamaš čuáskimeh, lii tiäđust-uv lam rahttâttâđ täälvi várás sehe olgon ete siste. Selgânim viijmâg purgiđ já tuálvuđ tuuveest paijeelmiärálii purâdempeevdi ráájun, já tääl kievkkân oro uáli kuárusin. Tot ij pište kuhháá, ko tohon puátá sirdettettee…
Varriistâllâm já valjiimeh
Kyevti oho tassaaš te peessim viijmâg páihástâllâđ vyelikiärdán, ko totkeepuuiceh vuolgii tavirijdiskuin meddâl. Vistekáálvuh láá ennuv táálu peeleest, nuuvt et tobbeen piergiittâl veik ij ličijgin eidu tállân pyehtimin jieijâs tiiŋgâid sajan. Must lii tääl viehâ uccáá ruttâ mánuppaajeest kevttiđ táálu siskiištmân, mut aainâs kale poorgâm tom veikkâ váhá kuuloold. Tast láá kuittâg kyehti ive ko…
Äigi hurgeet, já nuuvt olmooš-uv
Kyehti ive láá kuullâm ton maŋa ko čälistim majemuu čalluu taan blogin. Keesi 2015 maŋa lii meiddei tábáhtum ennuv – eidu ko lijjim piejâmin Oulu aassâmsaje ornigân, te värrejim jo maassâd Anarân, ja tastmaŋa vala moddii Aanaar kirkkosiijdâ siste, jeđe loopâst vala Kammâsân. Adai taah láá lamaš tuotâ varriistâllâmiveh munjin. Algâttim čohčuv 2015 pargo Säämi…