12 tiijme keččin lam jo monâmin kirdemšiiljon, nuuvt tooláá ete bussihge iä val vyeji kuussân. Luhhoost mätkiskipárist lii uábbi já uábist lii avdo! Kirde vuálgá 6.00 já kalgeen leđe tobbeen viiđâ ääigi. Blaaaaahhhh.

Majemuuh peeivih láá tiävstuv lamaš hirmooš kaaos, ko ráhtáttem lasseen láá lamaš meiddei juhlepeeivih. GieKu uárnejii Sämijuhle Kaarlenholvist koskoho, tuorâstuv ožžum Ikeast ilddee já peevdi já toollim uccâ varriimjuhle, já vástuppeeivi eelijm val puurâdmin aalmugpeeivi mállásijd. Jieht val maŋonim elleekovečáittusist. Tääl láá kuittâg juhleh juhlojum, pihtseh possum, puohmuđoš taarbâšliih uástum já Kanada ruttâ viežžum.

Onne val kiergânim mááccuh tivomist, viijmâg. Lasettim muádi tiärrás hiälmán já tom tuš eeđâm ete ij moonnâm eivi tegu Strömsööst. Valmâštui kuittâg! Jieht ehidist val oroi ete lam tuš tájáskâm jiemge uážu leđđeemááccuh mield ollágin, mut jiem mun lamgin nuuvt čyerbi ko mottoom muddoost val poollim.

Tääl kal lam tutâvâš — já puávtám val tärhistiđ ete jiem lah vájáldittám maiden ovdil ko čoonâm laavhâ kiddâ já valmâštiđ jieččân sahâvuáru. Ijge lah val sevŋâdgin! Yle Areena lâi hirmâd šiev tuáijumskippáár.

Lam kuullâm ete Ameriikast ij lah siämmáá pyereest Wi-Fi kavnâmist ko Suomâst, jiemge lah vises kiergânâm-uv muđoi-uv čäälliđ blogân maiden, mut amahan te piejâm teehin še muádi kove Instagram peht. Já tuáivum, ete jiem vájáldit maiden 🙂