Kesimáánu: Argâ já fiäráneh, motomin kuohtuuh siämmást

Horgâ lii kesimáánu jo lappâd. Must láá taam mánuppaje (lamaš) kuárrumpargoh já toi maŋa kuárum ja tuáijum jieččân ääigi. Pargo lasseen láá lamaš suotâseh-uv: uábbi lii tääbbin, eellim uárbimpeeli heejâin já su nieiddáá kaastâst (já korrum toho uđđâ mááccuh muádinubelov tiijmest), jonsâheh lijjii… jonsâheh. Kesimáánu lii lamaš pyeri ulmui já hyenes naharij máánu. Onne lam-uv viällám ubâ peeivi seeŋgâst, veik jurdâččim-uv moonnâđ kuárruđ val. Mut ij, kuásnii ferttee rávhuuttuđ! Jiemge viišâ nuuvt čielgiđgin maht taat máánu lii moonnâm, mut čááitám moodij kuuvijd.

Hejjâsiilhe riessâmân moonâi ennuv kuhheeb äigi ko mááccuh kuárrumân. Já oovdâ eehid oroi porgâmsaje nuhâmin peevdikuorâst! Kuohtuuh (silkke já mááccuh) kuittâg valmâštuvvii. Já koolgim tiävstuv väldiđ val ovdil-maajeeld-jieččiepaarâ. Suuvâ uccááš uážui val maailm muččâdumos kastâkááhu 🙂

Taam ohhoost lijjii talle Mikko-Piättár Laiti juhlečáitálduv lekkâmtilálâšvuotâ, kuus meiddei koolgâi čiŋâdiđ. Lijjii hirmâd fiijnâ, lieggâ juhleh já toi maŋa val konsert. Takkâ puohháid kiäh lâid tobbeen <3

Säämi ijge Aanaar keessi lah maailm lieggâmus. Jis tääbbin áigu rušmostâs uážžuđ, tom ferttee uástiđ puttâlist. Já savetteh láá kustoo ain anoliih.

Ááigum tääl hárjuttâlškyettiđ tuođâlávt Tiänu maratonin. Must álgá kal äijih omâhâštipšompaje syeinimáánu pelimuddoost já puáhtá leđe ete jiem uážu riijâ ton várás, mut hárjuttâllâm ij kal häittit kuássin. Kaččâm lii suotâs já tost puátá hirmâd šiev tobdo! Lam juhâškuáttâm kurkkâ- já sitruunčääsi, ađai čääsi mast lam vistig čááccám kurkkâ- já sitroonpitáid (tuođâi njäälgis!), ja uáštâm uđđâ sporttipuuvsâid já -pääiđi. Mut eenâb tai olmâ lifestyle-fáádáin talle čuávuváá čallust! Pyeri pasepeivi puohháid 🙂