Mááccuhpeivi, ilo peivi!

Mááccuhpeivi!

Mááccuhpeivi!

Onne cuáŋuimáánu lovváád peeivi lii oppeet #mááccuhpeivi mon algâttij tijmá Taažâpel säminuorâi servi Noereh. Hirmâd suotâs juurdâ, ete lii val tággáárgin peivi ete čiŋâdep muđoi peri, ijge taarbâš leđe mihheen eromâš juuhlijd. Mááccuhhân lii lamâš mii ááhui já äijihij (teikkâ jieččân vanhimij) argâpiivtâs já argâpiäiválii kiävtusthân tot kolgâččij leđe váhá eenâb.

Čuovjis pikajunai "skođmompiävdááh" láá eidu mudágis aloduvâst asketiätturân!
Čuovjis pikajunai ”skođmompiävdááh” láá eidu mudágis aloduvâst asketiätturân!

Onne kárvudittim ovdil vuolgim tavaskulij (čáálám taam VR čuovjis pikajunas, sämmiliih ko láá tággáár jottee aalmug) já kuođđim kal silhe pááikán, amas tot pillášuđ mätkilaavhâi kurppodijn. Soljoid jiem maaššâm kyeđđiđ 🙂 Já oinuibâ ollâopâttuvvâst-uv ohtâ škovlâuábbi kote lâi čiŋâdâm jo iđedist teentin. Nievt kalga-uv!

Pyeri mááccuhpeivi já pyeri oholoppâ!