Lii kal lamaš pyeri leđe oppeet Oulust ja peessâđ kiddâ uápui roobdân. Mist láá lamâš ennuv taiđâ- já kulttuurkuursah taan já ovdeeb periodist, ja nuuvtbâ oppim meid tom ete ááhu siässárokke Helena Semenoff lâi vuossmuu Davvi šuvvá -festivalist ive 1979 leuddmin! Sun lâi-uv uábijdisgijn iäljáris kulttuurpersoon já jaamij eskin muádi ive tassaaš — tuáivum tääl, ete ličim tubdâm suu pyerebeht, ko sun kuittâg eelij uáli kuhháá. Murrâš lasseen pajâneh meid ilolub tobdoh, ku piäsám jyehi peeivi oppâđ eenâb jieččân ulmui já aalmug pirrâ. Ko piäsá uáiniđ jieijâs spejâlistem kostnii.

Eskin tääl kavnim ollâopâttuv kirjeráájust joskâ luuhâmviste. Teikkâ tiettim ete tobbeen kostnii láá pargočievah já tyeggáár luuhâmvisteh, moin ij uážu ubâ porgâđ tiätturijn, mut jiem tuš kiävttám toid, já tääl jiem ibbeerd manen jiem. Kiltatupe lii šiev saje čokkáđ já čokániđ já kähvituveh še, mut jis tuođâi áigu luuhâđ teikkâ čäälliđ, toos kánnát uuccâđ sierrâ saje.

Puoh majemui ohoi tábáhtumij maŋa tarbâšâm ráávhu muđoi-uv, mut oholoopâst vuárdá val SSN ihečuákkim – muu majemuš. Páásám tääl meddâl stiivrâst, já juáđhám pargoidân muádi mánuppaje val, mut porgemáánust tiävdám 30 já koolgâm rávásmuđ. Servitooimah kal iä Säämist nuuvâgin. Ko val pesâččim uáiniđ váhá Aanaar ergikiištoid še, te ličim luholâš. Taan ive meid Taažâ já Ruoŧâ eergih láá uážžum servâđ, jiem lah kal čuávvum kale láá peessâm kiddâ kunâgâskiišton. Mielâkiddiivâš!

Taan oho lam puurrâm baanaan-sare-smoothieid (puurcos, purccosijd?) já álgám oppeet kaččâđ ehidijd. Lijjim reeisui maŋa nuuvt vaibâm ete illá vooijim maiden pääihist iärrás ko viälláđ, mut kyehti kaččâmmohe maŋa oro ete naavcah puáttih kuulold maassâd. Lihâdem lii nuuvt tergâd, eromâsávt ko jiem lah innig nuuvt hirmâd nuorrâ.

Puurcosamnâseh:

– baanaan
– sareh
– jugurt

Mun laaviim porgâđ nuuvt, ete moljom baanaan olgoos koorâstis pittážin liittán, leggistâm soorijd mield já majemuššin leškiim juuguurt toi oolâ. Talle purcom taid siävutteijein tom räi ete toh láá pyereest siähánâm iäge purccosist kavnuu innig baanaanpitáh. Njálg!

Taan oho lifestyle-bloggim teema liävus-uv: alnestis huolâttâm, já joskâ čievâid tergâdvuotâ. Motomeh pargoh já eellim mudoh vätteh olssis sierrâ saje já ääigi sehe ráávhu.